hæ, hæ, loksins er hún komin hingað, þúsaldarmúsin, til að tísta og trítla og gera allt sem er mögulegt og hún hefur bara hugmyndaflug til, hljómar spennandi ekki satt ef það hugmyndaflugið í það minnsta er sæmilegt.
Var að velta fyrir mér þessu í morgun: um harðstjórn hlutanna í lífi okkar, eða er það ekki öllu heldur stöðug hugsun okkar um hlutina sem er harðstjórinn, ef við getum losað okkur við hana þá verðum við aðeins frjálsari í þessum heimi, það byggist allt á hugsun og að hafa smá stjórn á henni, en samt ekki að hefta hana þannig að hún fái ekki að flæða því það er mikilvægt...en bestu hugmyndirnar fæðast oft einmitt í algjöru hugsunarleysi.
...Já, hann liggur víst um höfuðið á okkur þessi margumræddi gullni meðalvegur eða öllu heldur segir Dalai Lama sem er minn aðal leiðbeinandi að hann liggi í því sem tíbetsk heimspeki nefnir kun-long aflið og merkir heildarástand hugar og hjarta einstaklingsins. Þegar það ástand er heilbrigt verða athafnir okkar siðferðilega heilbrigðar.
Dalai Lama: Betri heimur, JPV forlag 2000
No comments:
Post a Comment